Leser­brief zur Turm­ver­klei­dung des Test­turms in Rott­weil

 

Oh, Bür­gers­leit, oh, Bür­gers­leit,

oh, betat, wenn es z’betat geit!

Oh, betat für dean Thys­sen­turm,

den him­mel­hoha Beton­wurm!

Für dean wird‘s gotts­mil­lio­nisch knapp,

er hot koa Hos, koa Hemd, koa Kapp

dr Scham­pus stoht seit letzscht Johr kalt.

Dia Klet­te­rer klett­rat, wa ma ka

und bringat doch nix an ihn na.

Wia d’ Engel uf dr Jakobs­lei­ter,* * vgl. Gene­sis 28, 12 f.

so schwebat se, doch goht nix wei­ter.

Fascht hett I ernst­lich scho emp­foh­la,

se sol­let halt da Chris­to hola.

Doch mir kommt au no a Idee:

wia ma‘s no rich­ta könnt recht schö:

S geit z‘Rottweil no an neua Turm,

kein Ries‘,‘s ischt nao an „klei­na Wurm“.

Dr „ gschlauch­te“ Turm der Feu­er­wehr,

der macht doch modisch it viel her.

Ischt gschtum­pat, eckig, näckig blie­ba,

an deam könnt ma doch super üaba.

Stelllt ma dean neba‘n großa Bru­a­der,

goht dr Ver­gleich zwar usam Rua­der.

Doch bei deam ließ ma d’Kletterer laufa.

Bei deam kascht us dr Dach­rinn saufa.

Zur Übung könnt ma dean ver­klei­da,

mit deam „Know how“ d‘Blamage ver­mei­da,

dass Thys­sens Turm zur Eiweih­zeit

Dost­oht ond hot koa Fest­tags­kleid..

Am Mini könnt ma so pro­bie­ra,

wia ma da Maxi könnt ver­zie­ra.

Zwei Mucka het ma domit gschla­ga.

Glöst wäret bei­de Schön­heits­fra­ga.

Ging au no der Ver­su­ach drnea­ba

no wählt ma „ eins, eins, zwei“ dann eaba!!

Ond wenn’s für’n Turm zu nix will reicha,

könnt ma‘n mit Disper­si­ons­farb streicha.

Man­fred Wald­raff, Zim­mern